যে চাঙমা সে চাঙমা

 

ছড়া
"যে চাঙমা সে চাঙমা"
------------------

মাঞ্যেঁ হধা দুরোত্ থং,
মরে মুই পুজোর লং।
ও মুই হন্যা? মুই হন্যাঁ?
কিয়ে হন্ নৃগোষ্ঠী,

তুই এবে ভিলি

 

হোচপানার কবিতে,

"তুই এবে ভিলি"
-------------

ভালকদিন্ ধুরি মকতবা ওই পুড়ি আঘে পিজুম্ বাচ্ছো,
বানুন্ যিয়ন্ সজ্ ইরি।
হধা দোজ্ তুই এবে ;
সেনে মুই আওজে......
ঘিরে ছুলি, ধোই পুজি, পিজুম্ বাচ্ছো,
দিলুঙগি এইচছে নুওগুরি।
এবে ভিলি, মর হোচপানার নাগুরি।
.
সাঙুঁয়ান্ আঘে বিজোল্ ওই।
পোইদ্যাউন্, হুদু আগন্;
বেক্ যিয়ন্ ওজোরি।
হধা দোজ্ তুই এবে ;
সেনে মুই আওজে....
নুও সাঙুঁ বানেলুঙ্,
ফুল কাবি সাজেলুঙ্!
পাড়ি থুয়োঙ্ সাঙুঁয়ান্.....
হুচ্ দিনেই আগে আগে (আগুরি),
দিবেগি তুই ফাং গুরি।
এবে ভিলি মর, হোচপানার নাগুরি।
.
ইজরর হাঙাঁরা কেমানি,
চানাহ্ ভুরো বানানি,
বেক্ যিয়ন্ বান্ ইরি।
হধা দোজ্ তুই এবে ;
সেনে মুই আওজে.....
বিঞ্যেঁ পহঁত্যা চোখকুন্ ফুদি,
কাবুক্যা লুদি, বারেঙ্যাঁ লুদি।
যত্তন্ গুরি আজি, পুঝি,
হেদাকতুক্, তলচাজা বাজ্,
ঠেল্যাথক্, দিলুঙগি বেক্কানি নুওগুরি।
এবে ভিলি, মর হোচপানার নাগুরি।
.
সিধেনদি একজুর ফুগুদিহানা কাবিলুঙ্।
দেঘিবেগি, ইক্কে এ্যবল্ আন্ধার ওজোলেঙাঁন্,
হেন্ দোলে আঘে পহরগুরি!
হধা দোজ্ তুই এবে ;
সেনে মুই আওজে....
ম' ভাঙাঁ ঘরান্ তুনিলুঙ্,
গুধি, সিংগোবা, পিজোর, চানাহ্ সাজেলুঙ্।
বানাহ্ বাচ্ছে আগঙ্,
হক্কে এবে, হক্কে এবে....
পদ' হিত্তে আহ্ গুরি।
এবে ভিলি মর হোচপানার নাগুরি।
---------------------------
০৬/০৮/২০১৬ইংরিজি

 

রিত্ মংঘাহ্ হোচপানা

ইক্কো হোচপানার হোবিদে ওক্ সালে.....

"রিত্ মংঘাহ্ হোচপানা"
-------------------

থোই পাত্তুং গুনি গুনি,
হয় ফুদো গেল্ চোঘোপানি!
বুজিদে পরানি.....
দুখ্ কারে কয়।
হেনে আঘে,
এ বুগোত্ ন' আত্যা হোই ন' ফুরেয়্যে হধানি!
.
আমিজে মন্ কানে,
বুজেলেও বুজ্ ন' মানে!
হি গরানা পরান্.....
রিত্ অয়ে মংঘাহ্।
হোচপানা হেনে?
সেনত্যে দ' আঙিঁযার পিত্থীমি হোচপানার হরানে।
.
টেঙাঁ টেঙাঁ গুরি,
হক্কে কার গুজ্ ধুরি।
ঠিক্ নেই এ দিনোত্,
কারে হন্যাঁ যার ঊরি!
এক্ হুরে থোক্ হোচপানা, স্বাত্তত্যেই মরামুরি!
.
রিত্ মংঘাহ্ হোচপানা,
হুদু পেব' মাগানা।
জেবত্ যুনি থান্ টেঙাঁ,
চিদে নেই ও পরান্ ;
অ'ভেদর সমার, হুবো ফেলে হুবো লনাহ্।
.
দাম্ নেই ইক্কে চোঘোপানি,
বঃনিজেস্, ধুন্দুক্, বুক্ ছুলোনি!
তুই মর ঘুর হারি.....
পরর আধে ধেই যার চেই থাক্ ;
তর পরানর হোচপানার লাঙোঁনী!!!
----------------------------
০৩/০৮/২০১৬ ইংরিজি।

আমা চিজি ওমা ওক্

"আমা চিজি ওমা ওক্"
------------------

চিগোন্ চিজি চিগোন্ নয়,
যুনি একদিন্ ডাঙঁর অয়....
চক্রবত্তি রাজা অব' পিত্থীমিত্।
বেক্কুন্ এগত্তর গুরিবো এক্ সাজিত্।
.
গোদা পিত্থীমিয়েন্ করত্ তল্,
অহবাক্ বেক্কুনে বলত্ তল্।
হুজোত্ ফুদিবাক্ পদ্দফুল্!
উদ্ধার গুরিবো জ্ঞেদিহুল্।
.
আধত্ তুলিবো ন্যেয় বিচার।
চাহদে সোনা মূ হোচপেবার!
উগুরে আগাজ্, তলে দজ্যে,
সেত্তমান্ অবো চিজির ধোয্য।
.
তমা মূয়োত্ ফুল্ পড়োক্।
আমা চিজি ওমা ওক্!!!
--------------------
৩১/০৭/২০১৬ইং

বান্দর' ধান্ তলোই

ছড়া,

"বান্দর' ধান্ তলোই"
----------------

বেবে মরেল্লোই পেক্ রাঘাত্,
     চিজি গা ধুজ্জে গান্।
বেলান্ ডুবেল্লোই আঝি আঝি,
     বান্দরে শুগাদন্ ধান্।
.
নানু ডাগের ওয়াঙ্ ওয়াঙ্,
     নাগর চিজি হোই?
রিনি চেলে ঝাদি আয়,
      বান্দর' ধান্ তলোই।
.
নানু দেঘে দেয় গাজ' মাধাত্,
      চিজি চাইদি মেঘকানি!
বাচ্ছে থাক্, উগুরে দোঙগি,
     চোঘো ভঙাঁনি বেক্কানি!
-----------------------
০২/০৮/২০১৬ ইংরিজি।
ফটোঃ- সুজিত্যায়াব চাংমা বচ্চোগা দার।