ছড়া
থে পারিম্মে?
-----------
ঘরান্ রয়ে মর ভালোদ্দুর,
বেলান্ও ডুবেল্লোই!
থে পারিম্মে তমাইদু,
একছাব্ কাবরল্লোই?
উঠতি উঠতি, বস্ বস্...
কিত্তে ন' পাত্তে.....।
ন' আনত্ আদে, ঘর ওনেই
কিত্তে ন' আত্তে।
তোন্ নেইদি আই, কি খেবং...
বেগুনোনো কুতকুত্যা!
এনে অলে চিগোন্ চোলোভাত্,
রাণিলে মূঠমূত্যা!
.........থাক্ থাক্!!!
-----------------------
১১.১১.২০১৬ইং
অদিঞ্যেঁ দেবাদরত্ পেজালী বাবর ইক্কো গান।
পেজালী মা আমিজে ঘর বেড়ায়। পেজালী বাবর মনত্ দুখ্!
..........................
..... পেজালী মা! ও পেজালী মাও!
..... আঞ্যঁস্ হোবালত্ কি মাঘি!
..... এদককি বেড়ানাও!
তিদির তিদির আদাম্ বেড়াস্,
ঠিক্ দ' ন' দ্যুস্ ঘরানত্।
পুজো পুজো কুরো ঘু!
বভার নেইদি চানানত্!
গম্ ন' লাগের মনানত্!
পালং বাজেয়স্ পরানত্!
গুত্যা, মগজ্ হারাপ্ অয়!
ঘরর হধা হোবার নয়!
দেবাবো গরের তেদের তেদের।
চেজেক্ বুবুক্ উদোনান্।
উদোন্ - লামন্ কুরোউন্।
হুচহুচ্ গল্লাক্ ইজোরান্।
হুয়ে ফেল্লাক্কোই পিজোরান্।
..... রিনি চেদেগিও।
গুদি নেইয়ার ত' ঘরান্।
গুত্যা মগজ্ হারাপ্ অয়!
ঘরর হধা হোবার নয়!
পিজোর জগাহ্ থাল্ কদরা।
উত্যাফুত্যা ভাত্ পিলা।
গপ্পানি পেলে মিধে হুম্।
খাজুরো মিধেত্ খৈমলা।
কেনে কেনে সং পলাহ্।
হাক্কে বদহ্ এক্ দলাহ্।
গুত্যা মগজ্ হারাপ্ অয়।
ঘরর হধা হোবার নয়।
----------------------
০৬.১১.২০১৬ইং
নভেম্বর মাজর কবিতে।
"ও চিজি"...
(এ চিজি সে চিজি নয়...)
----------------------
এজ' দ' আগঙ্ বাজি।
ওকনাহ্, কানি কানি আঝি আঝি।
শুঘেযিয়া চোঘোপানির মাজারা ওই।
হরাঞ্যাঁ দাদি হের' ধক্।
সাধক্ শিব্ চরন' ধক্যেন্ ধ্যেনত্ বুজি।
ফোরেয়্যে মনর গধা!
ভাবঙর ত' হধা।
হুদু আগচ্ ও চিজি।
জিংহানির হারোচ্যে দিনুন্ কন্ কালে,
ভাজে দিলুঙ্ অনালে।
মালোচ্ গোল্লুঙ্ য়্যেল্ ঝাড়।
তোরবো বেড়েলুঙ্ এ মোন্, ও মোন্।
দোনাদুনি, ছড়াছুড়ি, হিলেহিলি।
ঘামে ভিজি, রোদে পুড়ি, রেদেবিলি।
দেম্ ভিলি ও চিজি,
দেঘা দ' ন' দিলে।
কেনে পুড়ি যেব' এ বুক্কো?
যুনি তরে ন' দেলে!
জুড়ি আগচ্ এ মনান্।
দেঘরনি এনে হোচপানান্।
থুয়োচ্ বুগোত্ পাত্তর বানি,
লুকদি আগচ্ কন্ ছারা মোন্ ঘরত্।
ছ'বাই কি তর ন' উদের ঈদত্?
তত্তে ভিলি ধুগি ধুগি।
কদক্ বেড়েদুঙ্ হোচপানান্ বুগি বুগি।
যুনি এধে গপ্ দিদঙ্।
হোচপানার দজ্যেত্ ভাজিদঙ্।
উম্ উম্ নিজেসচানি মিজেদঙ্,
ধাগাধাক্যা কায় বুজি।
যাদি আয়, যাদি আয়,
ভেদা দেঘি ও চিজি।।।
----------------------------------
০১.১১.২০১৬ইং
হোচপানা লামা
------------
উড়ি পাত্তুঙ্ পেগ' ধক্।
ভুঙিঁ পোত্তুঙ্গি মুজুঙঁত্।
যুনি পাত্তুঙ্ রুক্ ধুরি।
পত্তাপুত্তি সান্ গুরি।
মুজুঙেঁ মুজুঙেঁ উড়িদুঙ্।
নানান্ নাগর ভাচ্ মাধিদুঙ্।
হুলি হো পাত্তুঙ্ মন্ হধা।
জুরেলুন্ পারাপাং মনপাদা।
সিনে কিজিঙঁত্ সাঙেঁত্ ওই।
কাজিজুন্ পহরত্ ডাগত্ বোই।
আঝি লগে জয়জয়ার।
দুঘোত্ ও পাত্তুঙ্ সংসমার।
সুঘে-দুগে সপ্পানত্।
জুরি থে পাত্তুঙ্ মনানত্।
পুরেলুন্ পারাপাং মন্ আজাহ্।
ওকনাহ্ মর ছন'ছিনি পেক্ বাজাহ্।
-------------------*-**---
২৮.১০.২০১৬ইং
"তুই নেই কেনেত্যেয়"
----------------
মুই নেই ম' কায়।
ভঙ'ঙর গায় গায়।
ধুব্ ধুব্ মেঘ' ছেরে।
থাহর নেই মুরে মুরে,
ডাঙাঁ যার এ বুক্কো!
ন' জুরোর ন' জুরোর।
পরানি, তুই নেই কেনেত্যেয়!
আজাহ্ এল্ সাঙেঁত্ অবে।
ধোই পানি কুলোত্ লবে।
সিধেন্ দিনেই ত' করত্।
কাদি মাস্যা জুন্ পহরত্।
হোচপানার গঙাঁরত্।
ভাজি যেম্ আওজে।
ন' ওল্ ন' ওল্ ভাজি যানা।
ইয়েন্ হি তর হোচপানা?
কদক্ আর দুঘোত্ থবে!
----------------*****---
২৬.১০.২০১৬
ফটোঃ- নেট থেকে।
