হি দোল হাজলং!

"হি দোল্ কাজলঙ"
---------------

দ্বি চোখ্ যিদ্দুরোত্ যায়,
হি দুরোত্ হি হায়।
এ মনান্ উড়ি বেড়ায়
কাজলঙ হুলোর জাগায় জাগায়,

বুইয়ার' আগায় আগায়।
হি দোল্ এ জাগামাদি,
পরানানদো বাহঝি থায়!!!
.
জাগামাদিআনিয়ে হধা হয়,
আমাধি ভাজে রয়-ছয়।
ধুন্দুক্ হায় ম'ইদু,
আগে এলাক্ আজু-পিজু।
হাদেয়ন্ জিংহানি উজু উজু।
সেনে এইচ্ছে এ গুদি,
লগে নিত্য পিদিত্ ভুদি।
খালহুলে জাগাছাড়ি
ঝুড়ি থুমে থুমে,
দুরোচারাহ্ জাগানিত্ আগন্ পুড়ি।
.
তারা আগন্ হঅ' হঅ', লঅ' লঅ'।
আমি আঘি ভহ্ ভহ্!
দিন্নো বেক্ উল্ল'।
দিন্ ইক্কে বেক্ তারার,
উত্তি-পুত্তি সপ্পানিত্....
নানু হঅ, গোজেন্ হঅ'।
.
ঈদোঘর' এক হোনাত্,
গুঞ্জি রাগেও বেক্কুনে।
দোল দোল এ জাগাআনি,
মিজি আঘে চোঘোপানি।
আজু-পিজু, বাপ্-ভেইয়োর...
ধুন্দুক্ আহভিলেস্, বঃনিজেস্!
জোপ্ ফুরেয়্যা রাণীমিলের হানুনি!
ঢেব'থেব' ছিত্রিবংগ..... ।
ইক্কে হনে হুদু আগন্ হিজেনি।।।
--------------------------
২৮/০৫/২০১৬