কেইয়ায় কেইয়ায় সং অলেও হোবালে হোবালে সং নয়। পিত্থিমীত্ নাধা, থাউয়্যা, ভুল্, বেদমা, হুদুগী বেক্ আগন্। বিঝু দিনোত্ বেক্কুনে এক্ মন্ এক্ পরানে এগত্তর ওই। ভুলি যেই রেঝারেঝি হিংজে-পিজুম্ নাধা - থাউয়্যা ভেদাবেদ। ( গুরো জাললোই, বড় জাললো ঘরত্ বিঝু হা যেনেই বড় জাল্লোরে বলাত্তে)
এবারর ছড়া.....
"বিঝুত্ বলাঞ্যেঁ"
--------------------
বে! ইয়েন্ হি মিজেল্ পাজনানত্?
---- ঘঞ্যাঁ মাজ' শুগুনো।
ই, আমা পাজনানত্ অলে হিচ্ছু নেই,
দাঙ্গা বাদে উজুনো।
বিঝু বাজারত্ ওলোদো মনদোই,
তা'আবে বাজারত্ গেল্।
বড় হামিনী "ফের" ভাঙঁদে ভেলে,
লাক্যে হুড়ি সের।
গুলোদক্ টেঙাঁ, দরপ্ মংঘাহ্,
একপাক্ হেলে ফুরান্।
মরে হয়দি, বিঝু দিঞ্যাঁ ভেলে,
বানিদে সিংগোবা দোরান্।
পারেনি বে! বিঝু দিনোত্,
ঘরত্ দোর বানী।
হোবালত্ নেই! হুদু পেদং বে!
বাজারর দরপ্পানি।
হে পেলে তেহ্ বেড়েব'......
ন' থায় ভিলি থেদঅ!
বিঝু দিঞ্যাঁ বেক্কুন্ সং বে!
নাধা - থাউয়্যা যদঅ।
পাজনতোন্ হলে পাজনতোন্,
উজুনো অলেও সাচ্যে।
গরবা বুঝদি এক্কা ছের পেলে বে!
হামাক্কায় গুরি যেসচ্যে!
বে! চে থেমবোই চ্যে বাচ্ছে!
----------------------------------------
১১.০৪.২০১৭ইং
ফটোঃ- মুল গিরোচ্ছো ইদু খেমা চে।
