আমি নুও দিনোর গাবুজ্যে-গাবুরী।
ছিধি পুড়ি ছড়া-গাঙে,
হোজে আনি আমা নাঙেঁ,
নুয়ো বেল, নুও দিন্,
পেগো র' চিং চিং।
জাগে তুলি পিত্থিমীত্,
ফুল ফুধে মনানিত্,
জ'ধে আন' সমাজ্যা-সমারী।
।
আমি নুও দিনোর গাবুজ্যে-গাবুরী।
ভাঙীঁ হোই পাং পাং,
আমা ভাজে আমা নাঙ্।
ঠিগি থোক্ সপ্পানত্,
কিত্তি থোক্ বিজগত্,
জাদর আরুক্কান্।
একজাত্ একনাঙ্,
আমি জুম্মো চাংমা।
বাগি আঘে হন্যাঁ,
জ'ধে আন' সমাজ্যা-সমারী।
।
আমি নুও দিনোর গাবুজ্যে-গাবুরী।
আমি পারি আমি পারি,
মোন্-মুড়ো ফুরি ফুরি।
আধে আধ ধুরিনেই,
সংজয়ারে উজে যেই।
য়েল মোনোত্ রাঙাঁ ফুল ওই ফুদিবার।
হন্যাঁ আঘে আমা লগে,
তারা ধক জ্বুলিবার।
ডাগি আন' সমাজ্যা-সমারী।
===================
--- আলো
কোন মন্তব্য নেই:
একটি মন্তব্য পোস্ট করুন