চিগোন্ পেদার দোগানদারী

চিগোন্ পেদার দোগানদারী,
বাগিহাতা যিয়ন্ ভুরি।

মাজন্ অবার লালজে,
দোগান্ দিল'গোই আওজে।

ভুই পাচ্ কানি বন্দক্ দিই,
আল' গরু বেজা দিই,
দোগান্ দিল'গোই বাজারত্।
লাহরে লাহরে পড়া দোল্য নাদানত্।

এজ' এজ' বজ' বজ';
হি অব'; বাগী নেজ'।
দোগান্ ভরন্ হাষ্টমার।
বাগী খেইয়া বেক্কুনে।
এ সাপ্তা এলে ও সাপ্তাত্ দিম্।
হারর দিবার নাঙ্ নেই ইক্ষিনে।

মন্ ডাঙর চিগোন্ পেদা।
থুরি ন' পারে হার' হধা।
বেক্ মালানি বেজিনেই,
ইক্ষে মাল্ আনিবের আর ঠেঙাঁ নেই।

পহধ্ হিত্তে চেই থায়,
বাগী হাতা উল্লে চায়,
চিগোন্ পেদার দোগান্ দারি,
বাগী হাতা যিয়ন্ ভুরি।

বাগী খেলে চিগোন্ পেদা ইধু য'।
কামাল্যা ইত্তুন্ খ'গোই নগদ্ কিনি।
হোচ্ পাঙ্, দেই ন' পারঙ্!
মগদার চঙমা আক্কলানী।