এগাহরা দোল্ দেঘং

এগাহরা দোল্ দেঘং, লাজাং লাজাং,
লুক্কি লুক্কি, নুদি নুদি,
হুরি হুরি তর দ্বিবা চোখ্।
হি গুরিবে আমন' দুক্যান্ হুত্তুরি মূ,
ভাত্তুয়া গালা, হোচপেবার
হোচপেধে বলেবলে...
থেলেও থোক্ থেলেও থোক্।
।
ভারী দোল্ তর মূজুঙোঁ দাত্তুন্,
এক্কুই সমান্ হেচবিজি,
বুড়িশিল, রুবোধক্।
উবোর তুবোর ন' পড়োক্!
আমনর অল' হেঁ বাঞ্যেঁ
ফাগারা দাত্ মাস্যশিল্।
বেড়ত্ বাজি থেবার আঙঁর মূ,
হি গত্তে,
থেলেও থোক্ থেলেও থোক্।
।
বেগত্তুন্ চেবার তর উত্তানি,
হিঙোঁরি হোম্ হত্তমান্ দোল্!
মিজে ন' হঙঁর ও পরান্,
ফুদি পোত্তোক্ মর দ্বিবে চোখ্!
ঘাড়া বাধী , উত্ ধোলিয়া,
চোখকুন্ ডাঙঁর, হেঞ্জঁর মেঞ্জঁর,
থোকনা পরান্,
হোচ্ পেবার আমনরে......
থেলেও থোক্ থেলেও থোক্।

====================
আলো
০৯/০২/২০১৬