আরে যিয়া সেই দিনুন্ ----
যেই দিনুন্ মর আজিঁ রঙ্ ধঙে ভরা,
যেই দিনুন্ মর আজিঁ রঙ্ ধঙে ভরা,
জুনো পহরে পহরে হাদেয়েই সে দিনুন্,
যে দিনুন্ এলাক্, ঘিলা খারা নাদেঙ্ খারা।
ভুইয়ত্ গাজ' ছাবায় ছাবায় এজ' আগে,
পত্তিখারা, ঘিলাখারা,ফোরখারর দাগ্,
দোঙউয়া, চিক্কুয়া, চিত্তি, তুঙগোবী,
সমাজ্যা সমারি এলাক্ ঝাগেঝাক্।
পত্তিখারা, ঘিলাখারা,ফোরখারর দাগ্,
দোঙউয়া, চিক্কুয়া, চিত্তি, তুঙগোবী,
সমাজ্যা সমারি এলাক্ ঝাগেঝাক্।
ফেলে ইচ্চা কদক্ ধুব্ ধুব্ ধল্যাচর,
মনত্ উদের ফতপত্যা জুনোপহর।
তুমবুক্ বানেদঙ্ গদে গদে,
বেড়েদঙ্ ছাবায় ছাবায়।
গাজে গাজে টাঙেদং ধুলোন্,
ধুলিদং হ্বাবায় হ্বাবায় ।
মনত্ উদের ফতপত্যা জুনোপহর।
তুমবুক্ বানেদঙ্ গদে গদে,
বেড়েদঙ্ ছাবায় ছাবায়।
গাজে গাজে টাঙেদং ধুলোন্,
ধুলিদং হ্বাবায় হ্বাবায় ।
ঝুড়িপুজ্যা আম তোগেদঙ্,
যুদিও মা-বাবর মানা।
আমা আধত্ বেক্ য়িজাব্--
হুনদি আগন পিত্তুঙগুলো, শরবেকগুলো, পাগানা।
যুদিও মা-বাবর মানা।
আমা আধত্ বেক্ য়িজাব্--
হুনদি আগন পিত্তুঙগুলো, শরবেকগুলো, পাগানা।
ভাত্ খেবার সময় আরেদঙ্,
খারা হদে হদে।
অহধা কদক্ শুঞ্যেঁই মাত্তুন্,
সমাজ্যায়ুন্ গদে গদে।
শুঞ্যেঁই বিল্যা পাওরি ফেল্লেই বিঞ্যাঁ,খারা হদে হদে।
অহধা কদক্ শুঞ্যেঁই মাত্তুন্,
সমাজ্যায়ুন্ গদে গদে।
সমারে মিলিদোঙ্ নুয়োগুরি।
সেই দিনুনত্ যেবার মনে হয় ফিরি,
দ্বিবা চোখ্ হাদি থাঙ্, ভাবনাত্ পুরি।।।
কোন মন্তব্য নেই:
একটি মন্তব্য পোস্ট করুন