বিঝু তুই এবে ভিলিনে

হুজিয়ে ঘুম নেই দ্বি চোঘোত্,

এগোর ওগোর বিচ্ছোনোত্,
চিজি আঘে পুড়িনে।
পহর ওক্ পহর ওক্,
হাদা ন' যান্ দ্বিবে চোখ্,
বিঝু তুই এবে ভিলিনে।
।
পহত্যেঁ আমল পুড়ি এলে,
আগাপাদা জায়জুগোলে,
তুলিবোং ফুল্ বেক্কুনে।
ভাজে দিবংগোই গঙ্গি ধারত্,
আধজুর গুরি ছড়া পাড়ত্,
বর মাগিবং,
বিঝু তুই এধে ভিলিনে।
।
বানাহ্ ফুল্ বানাহ্ ফুল্,
এ হুল্ ও হুল্।
ধেলা পুজ্জন্ লুঙিঁনে।
বিঝুরো ফুল্ মাদি জগাহ্,
হুজি হরদ্ আগা আগা,
বিঝু তুই এবে ভিলিনে।
।
তোনতোগা যিয়ে মাজ্জেং বেবে,
আকরুজিয়েন্ মামা থর তেবে তেবে,
ডিঁঙিবো আজের নেই হিল্লেত্তুন্ ধুরিনে।
ভাঁঙা ইজোরান্ তুনের দাধাহ্,
চিগোন্ ছড়ান্ বাবা দেল্লোই গদাহ্,
বিঝু তুই এবে ভিলিনে।
=================
১২/০৪/২০১৬