জুরপল্লা

পধ' পাজারাত্ চজর চজর!

দেঘা যায়দি ভেরাক্ ভেরাক্।
ভাঙীঁ হোলুঙ পরাক্ পরাক্,
গরের ইক্কে তাদাক্ তাদাক্!

।
বেড়ুন্ ওয়োন্ ঝেলাং ঝেলাং।
ঠেঙদো চারিবো পেলাং পেলাং।
হন্যাঁ হধা হোই পবং পবং,
যা ধোজ্যেগোই গজাং গজাং!
।
উড়িংয়ো উয়ে চবাল্ চবাল্!
ছরমা হুরোবো হদাক্ হদাক্।
গরের হন্যাঁ হঝক্ হঝক্?
চিজি গরের তদক্ তদক্।
।
জুরো পড়িগেল্ পিয়োক্ পিয়োক্।
রাদাবো হি ওল্ নিয়োঁক্ নিয়োঁক্!
জঁঙঁরাবো হেলগোই ঘুঁঙুঁত্ ঘুঁঙুঁত্।
দিলুঙ্ সেবেদে কুমুক্ কুমুক্!
।
দোগিনো বুইয়ারান্ পিবির পিবির।
ওরোচ্য গরের বিবির বিবির।
চামিনী বীজিউন্ ভগদাং ভগদাং।
য়্যেত্য গেলগোই গল্যাং গল্যাং!
।
উগোল্ মাচ্ছুন্ ছল্যাং ছল্যাং।
হি চুর গুচ্ছোচ্? ফুল্যাং ফুল্যাং!
এজেত্তে আঝি হিদিক্ হিদিক্!
অলাক্ নে ন' অলাক্ হিজেনি গাজিক্ গাজিক্।।।
======================
--- আলো
২৮/০১/২০১৬