সংপোহর কোচপানা

‘তরে কোচপাং’ বানাহ্ এ কধান্।
ন’ ভাবীচ্, বানাহ্ এ মাধান্।

জুবিলুঙ্ ভালক্ বজর।
জিরেন্ নিয়া এব’ জবঙর।
পালেলুঙ্ পেক্ছ’ পালনি,
মনর পিঞ্জুরোত্।।
শিককারি কারি,
আঙুল্ লারি লারি,
জুগেলুঙ্ আদার।
চোঘে চোঘ্ রাগেলুঙ্,
কায়কুরে মুজুঙোত্।।

এগা ভাবে এগা মনে,
ভালক্ বজর কাদেলুঙ্..
এগা ধ্যানে।
নীঝি রেত্ স্ববনে দেঘঙ্,
জুনোপহরলোই সাজিত্ গাদির,
বানাহ্ দ্বি জনে।।
ধুব্ মেখকোই কিয়ে পুঝি,
তারা পহর কিয়েত্ গুলি,
আধে আধ্ ধরাধুরি,
নাঙেল্ দীঘোলি…..
আধি যের সমারে,
কোচপানার গঙারে।
জোপ্ নেই তর-মর,
নেই কোনো কোজুলী।।

ছেম্ ছেম্ কাদাঁ ফোর ফুদিল’।
চেরোপালা রিনি চেই…
বাহ্ কাজাত্ উদিল’।
সংপোহর অইয়ে সে কোচপানা।
জানে তে কেনে উড়ি বেড়ানা।
পালে পুঝি আওচ্ গুরি,
ইক্কে তে যিয়ে উড়ি।
মনর পিঞ্জুরো ছাড়ি।
ভঙেঁর অজার পিত্থীমিত্।।
যুনি কন’ দিন্ ত’ কায়,
উড়ি য়েই গায় গায়,
সুঘো-দুঘো কধা কবার চায়,
‘পরানী’,….তারে তুই……
তদা চিবি ন’ দিছ্।।।