রাঙাঁ স্ববন

কদ' জাদে ভঙ'দন আগাজেদি,
কদ' জাদে ভঙ'দন পাগা পধেদি,
গম নাঙেঁ উজ্ রাগে,

জিদ' নাঙেঁ চোখ রাগে,
যাদন আধি।

ভেইয়ে ভেইয়ে কাবাহুদি!
নেই হারলোই মাদামাধি
অ'ভালেদি চিদে মনত্ জুবি,
আমি যের ঘুর আন্ধারত্,
নি বি লি র পধেদি!!!

দেজজাদ ভাজী যার,
মনর দোল স্ববনানি আঙিঁ যার,
দোল দোল সুঘো আওচ্ কুদু যার,
পরানর জুম্মোদা আহজি (হারিয়ে) যার,
চোঘোপানি ধারা বেহ্
জুম্মবী কানিযার!
কমলে সুখ ফিরি এব' এব' এ জাগার,
আধে আধে গুরি এগত্তর,
সংজয়ারে কমলে দিবং লর???

মাধা নিউরি যের আমি,
বানাহ্ মুজুঙাঁরন রিনি চে।
দেঘাদ' যার, হি শিঘির...
আর' হি হি পের।
বেক্ জাদে পাধন,
আমি নইদ' পের.......
আধ পাধি থেলে হি অব'?
বেগে মিলি এজনা.....
গম পধত্ ঠিয়েবার চেই,
সুঘোদিন আমাইধু এ' পেব'।

আমা নিবিলির পধ কমলে ফুরেব'
কু' চিদে কু' ভাবনা দুর অব'।
সাবাক জাগাত্ কমলে নিগুলিবং.....
মনে মনে গম ভাবনানি সমেব',
গম চোঘে চেরোপালা রিনি চেবং।
কমলে দুয়ো মিলি উড়ি বেড়েবং,
সুখ থেব' আমা লগে......
দেঘির বানাহ্ "রাঙাঁ স্ববন",
কালা কালা দ্বি চোঘে।।।