ছড়া
"চিঝি যেব' মামু ঘর"
----------------
মামু ঘর অয়ে দুরোদুরি ;
মোনোমুঞ্জি মুড়োমুড়ি।
টেগাটেক্যা ছড়াপধ ;
পধ্ আড়েলে অদেঅদ্।
পিলেত্ মূবানি জুনোপহর ;
চিঝি যেব' মামু ঘর।
দিন্ বিদিযে রেত্ অলে ;
আন্ধার পধতান্ ন' দেলে....
জুনোপহরান্ হুলি দি ;
পহর ওই উদিবো পিত্তিমী।
সাঙেঁত্ ওবাক্ জুনিঝাঁক্ ;
পিজে-মুজুঙেঁ উড়িবাক্।
কেকরেকেক্ বাহরা বানি ;
পিধে ডুবি দিব' মামী।
কলাপিধে হেব'না বিনিপিধে?
ইক্কোত্তুন্ ইক্কো মিধে!!!
-------------------
০৫.১২.২০১৬ইং
কোন মন্তব্য নেই:
একটি মন্তব্য পোস্ট করুন