"আড়ন্দি রাজা দেজত্ জুন্মিলে"

হুদু যেবে পরানি,

এদক্কি সাজর হিজেনি,
ন' সাজিস্ ন' সাজিস্ অব' বেহল্।
অদত্তুন্ আঞ্যোঁচ্ বেক্কানি,
ধক্, পাজন্, পুদিপুদি সপ্পানি।
যেন্, পুন্নিমা জুনান্ পুরিগেল্!
।
খবঙ' জাগাত্ খাদি বানী,
নাকশাফুল্ দ্বিবে পাড়ি আনি,
গুজেলে চুল্ ঝুধোত্ আবেরে।
রাঙাঁ খাদিয়ানদোই বুক্ জ্বলে,
হাদিমাস্যা রানজুনি হি গরে।
সেত্তমান্ জ্বলে তর বুক্ পরান্ বে!
।
ধেকদীঘোল্ পিজিছড়া হমর সঙ্,
রুবোর টেঙাঁছড়া বাজেই লং।
তুজিমপুরো সপ্পানত্।
স্ববন্ শীলে এক্ লাগার,
পিত্থী পিত্থী এক্ থেবার।
জবে নিত্য মনানত্।
।
হিরে-মানেক্ মুও আঝি!
বেক্কানি এদক্কি তরে দিল' জাজি জাজি।
গোজেন' ভাণ্ডাল্ ফুরায় সং।
ভাতমজা পারা চুলঝুধো,
ইরিদিলে, ইক্কে পুড়িবাক্ পা ঝড়ফুদো! আধপাদি লোইয়চ্ হিয়ারঙ্।
।
বেক্কানি মাগিলে পদে পদে,
গুজিও ললে আধে আধে।
হিত্তে উনো রাগেলে?
এম্বা রুব-যুবন্ হি গুরি,
আগোলে রাগে দিদুঙ্ গায় গুরি,
আড়ন্দি রাজার দেজত্ জুন্মিলে!!!
====================