লুচ্ছো

কি কাম্ গরঙর,
মনে মনে ভাবঙর।
সুঘে-দুঘে যা গঙাঙর দিন্,

ইত্তুন্ বেশ্ দুঘোত্ পুরিম্,
যে মরা মরঙর!!

ফাবাক্যা যে কারে কয়,
ন’ ভাবঙর পাচঁ-ছয়।
মূয়োত্ যে বল্ আগে,
কঙঁর দ’ কঙঁর।
কিজেনী কাত্তুন্ উধের গঙ্,
মুরে মুরে কন্যাঁ আগে।
নিজ’ দুষচানী ন’ ভাবী,
দিই যার গেল্….
তদা গেত্ পরে সঙ্!!!

যুনিও অজেঅজ্ কধা।
অলে ওক্…..
তর কি কবাল্ পুরের!
কই চা বাবর পুত্!
চুমো ন’ দেখ্যা বাদে,
ঠাহর পেবে….
কারে কয় মগদা!!!

তুগুরিত্ তলে বোই,
যুনি পারছ্ লুচ্ছো গুরি।
মনত্ ন’ জুপ্পে কধানি,
দেঘের দেঘের, অব’ পা…;
যুনি পারছ্ কোই।

তরিবে একাল্,
ভুদ্ভুদোক্ চবাশাল্!
মূ মিধে লুচ্চোমি গুরিবে।
যে যে কবার কধোক্,
কান্ দ্বিবেধী শুনিবে।
তুয়ো যুনি ন’ পারছ্ তুরি,
চুগোর হাঙ্ ডেনগাল-বাঙগাল্!!!

মুই ন’ পারঙ্ লুচ্ছো গুরি,
মরঙর জেদাবাদে।
বুদু ছিনে গুলো ধক্,
একুলও নয়, ওকুলও নয়,
নিরেতিত্যা, অন’তিত্যে জীংকানির,
ইলে পাদারে পুরি!!!