মূল্ বিঝু

বোনোই আধত্ পিধে মজা;
বেবে আধত্ সাগর পঝা।
নুও ছিলুম্ দিবাক্ আনি;
ম’ মনত্ ভজান্ আঝা।

গেল্লে কিল্লা বিল্লা বিল্লা;
বেবে-বোনোই আমা উদোনত্;
মামা আঝেঁর খুজিয়ে…..
বেবে-বোনোই ইচ্ছন্,
বিঝু বেড়ানত্।।

মন্ গুমুচ্যা হুত্তুরিবানা;
ইচ্চা তার হি অয়ে ছ’না।
আদামর বুড়োবুড়ি,
জুউ জু দের ঠেঙত্ ধুরি।
গুরোজন্ যা আগন্;
কিরবে গরের, আঝের, মাদের;
গোদাদিন্নো কাদে দের,
আঝি কলক্ কলক্ গুরিনে।
বিঝু তুই ইচ্চোচ্ ভিলিনে।।।

দশঘর বেড়ে পাজন্ খেলুঙ্;
অয়ে যেক্কে পেঠ্ উভুঙফুঙ্!
কুইয়াঙ্ আলু, দাজ্যা ইজা;
ন’ কঙঁর ভেইলক্ মিজা মিজা।
কাম্মোবী রাইঞ্যাঁ পাজনান্….
খেলে বেলে, বাঝী থায় পরানান্!!
নাঙেল্ দীঘোলি পধ্ বে…
ও… ভেইলক্, যেই যেই, যেহ…।

জুউ জু দিলঙগোই জিধুরে;
"দেগিলে ভজ’দোক্ শত্তুরে”
এগে এগে…
সেপ্ বাট্টা দিল’ বেগরে।।
চানাহ্, সিংগোবা, ইজোরত্;
বজিলঙ্ আঝিরঙে মোনঘরত্।
জঙঁরাত্ পাজনতোন্ হাঝি খে;
বেড়েবং গধা দিন্নো মন্পুরে।।।