স্ববনে

ভালক্ দিন্ তরে ন’ জবং মনত্।
আদেক্যা গুরি দেলুঙ্ স্ববনত্।
যেন্ স্ববনও নয়,

জেক্ জেক্ গুরি…
ন’ দি ধক্ ধাবা এই,
ম’ ধাগত্ বলেগি লুজুরুক্ গুরি।

চেরোপালা বানাহ্ পেক্, মনা-চনা।
নানা ধগে নানা সুরে গীতগানা।
সে তর আল্যেঙ’ আঝি….
পেগোর’লোই যার মিজি।

আগাশ্চানরে ধুচ্চে ধুমোপাগলে!
দুরোর মোন্-মুড়ো রাগেয়ে আন্দলে।
মাদি আবাচ্যা আ ঝিমিদত্ আগাজত্..
নারেংকুত্তি পাক্ কে যাদন্।
যেন্, তরে মরে জরা বানি দিদন্।
তুই আগচ্ ম’ ধাগত্
ভালক্ দিন্ তরে ন’ জবং মনত্–
আদেক্যা গুরি দেলুঙ্ স্ববনত্।

দুরোত্, ভালোদ্দুরোত্ বানাহ্ হুয়া।
আগাশ্চানও ধোলোচ্যা!
তরে আড়ানার সে কধা
সপ্পানত্ উধের ইদোত্
সেনে মর চিত্ ন’ ভুচ্যা
আদেক্যা গুরি তরে দেলুঙ্ স্ববনে…
কি অল’ মর ইচ্যে।