আরো ইক্কো গান ওক্ সালে.....
********&&&***********
ও ভেই বি..জু...রা...ম.....
ও ভেই বিজুরাম্ ইয়েন্ হি গল্লে???
মজাগালি পাগত্ পুড়ি ;
লেঘা-পড়া ত' গুরি।
আগে আগে মোক্ ললে ;
যাদি যাদি পুয়ো পেলে।
হয়েক্ বজর বিদি ন' যাদে,
লেঞ্জরত্ পুড়িলে!!
ও ভেই বিজুরাম্, তুই ইয়েন্ হি গল্লে?
ও ভেই বিজুরাম্......
আমিজে শুনঙ্ মাঞ্যোঁত্তুন্ ;
ভন্ড উয়োন্ ত' পুয়োউন্।
মদ্-গাঞ্জা, ধুন্দো-পান্ ;
বাদ্ ন' দোন্ হোনোক্কান্।
চুরও গরন্ শুনা যায়,
এক্কা ছের পেলে!
ও ভেই বিজুরাম্, তুই ইয়েন্ হি গল্লে?
ও ভেই বিজুরাম্....
ইক্কো গুরি মিলে পুয়ো ;
ঘাচ্ছারা যুদো তা র'বুয়ো।
চাঙমাও নয়, বাঙালাও নয় ;
Style মারিনে হধা হয়।
যেক্কে পধেদি আধি যায় ;
মিলে নি মরদ্ চিন্ ন' পায়,
পিজেন্দি দেঘিলে!
ও ভেই বিজুরাম্, তুই ইয়েন্ হি গল্লে?
ও ভেই বিজুরাম্...
এক্কুই সমাজ্যে জেরবো রাম্ ;
রিনি চাগোই তার সম্মান্!
এক্ দুরোত্তুন্ সেলাম্ দোন্,
মাঞ্যেঁ দেঘিলে!
ও ভেই বিজুরাম্, তুই ইয়েন্ হি গল্লে?
একপাক্ হেনেই চে পারচ্ছোই,
বিস্বেস্ ন' গেলে।
ও ভেই বিস্বেস্ ন' গেলে।
ও ভেই বিজুরাম্, তুই ইয়েন্ হি গল্লে?
ও ভেই বিজুরাম্...।
--------------------------
31.12.2016
