ইক্কো ছড়া.......
দারিত্বে উন্দুর
------------------
বডা'বো কাবিবার তাগলান্ হোই?
নাহি নিলাক্ উন্দুরে বোই!
গুদি ন' রাগান্ হোনোক্কান্।
কন্ পাদারত্ দিলাক্ থোই!
এক্কোত্তুন্ ইক্কো দারিত্বে উন্দুর!
সপ্পানি নেজান্দোই গুধুর গুধুর।
মিজেল্, মুরিচ্, রোন্, পেঁয়াজ,
জেদেনা বিজি মুক্যাথুর।
চিজিত্তুন্ ভারী পুড়ের পেঠ!
তেলত্ সেঝেদুং ঝেঙেঁত্ ঝেঙেঁত্।
দিধুং গুরি ভাত্ জরা।
গিলিদো চিজি, হেঙেঁত্ হেঙেঁত্।
----------------------------------*-**----
২৯.০৩.২০১৭ইং
নাহি বর্ণনার ছটা ঘটনার ঘনঘটা, নাহি তত্ব নাহি উপদেশ। অন্তরে অতৃপ্তি রবে সাঙ্গ করি মনে হবে #শেষ হয়েও #হইল_না_শেষ..... (রবী..)
ছড়া
"ভেচ্চাক্/ভেরেচ্চাক্"
----------------------------
ছাবাহ্ পোল্ গাজত্ তলে।
উদোন্ জগাহ্, আমত্ তলে।
খারায় খারায় দিন্নো গেল্।
মুড়োত্ ধুজেল্লোই রাঙাঁবেল্।
মামাহ্ গরের ঘরত্ জোল্!
এক্কান্ খারা বাগি রোল্।
ও ভাই, শুনিচ্.... শুনিচ্....
এক্কা সিয়ত্ থাক্।
হায়হুরে যেই ফেচেত্ গুরি,
দিলুঙ্ ভেরেচ্চাক্!!!
---------------------------------
২৩.০৩.২০১৭ খ্রীঃ
(একজনকে ছুয়ানোর পরে পালিয়ে বাচাঁ, যেন কেউ আর নিজেকে ছুঁটে না পারে। আর তাতেই খেলার জিত যদি নিজেকে রক্ষা করা যায়। সেজন্য খেলাটি হয় দিনশেষে শেষ অংকে)
ইস্!
এ মুহুর্তে যদি কাউকে ভেচ্চাক্ দিতে পারতাম.......
আসুননা এই একটি দিন্ ভেরেচ্চাক্ দে দি করি!!!
ছড়া....
"এচ্যে বেবে বাউচ্ছি"
--------------------------
চোলুন্ অলাক্ ডবোলা।
মামাহ্ যিয়ে ওভোলা।
এচ্যে বেবে বাউচ্ছি।
রানা-বারা হি গুচ্ছি।
ডবোলা চোলুন্ আচিয়্যা।
পাত্ দিলগোই আবিয়্যা।
মরে হ'ধি ইন্দি আয়।
হেবার আগে চ্যে দিক্ ফেলায়।
উগোল্ মাজ' শিক্যে।
পোঅঃ!.....
"তে হোক্, যে দিখ্যে",।
মেধেরা মেধেরা, চোল্ চোল্ চোল্...
এচ্যে যদেপদে ভাতহানা ওল্!!!
----------------------------------------
19.03.2017
বিঝু মাস্ সমেল'। ম' মনানতও বিঝু গাভে ধরেল্লি। হি হি সাদাপাউজো ইদোত্ উদে হিজেনি? চোঘোত্ ভাজের মোনোমুঞ্জি হিলোভিদিরে গুরীব সীধেসীদি মানুচ্ছুনোর বিঝু ভাবনা। যারার ঘরত গদা বজর সিদোলো মিজেল্ ঘরত্ ন' উদেগি, তারায় এচ্যে "গাভ্ দ্যে" মাজ্ ছারা দেধন্....
নেই মানুচ্, মাত্তর উচ্ছোফুচ্ছোআন্ দ' আর চিগোন্ নয়!
"ইত্তুগি মা'র বিঝু বাজার"
--------------------------------
ইত্তুগি বাপ্, বাজারত্ যহর,
ওলোদ্ হি দর বেজিবে?
অংশমারী দুঘকাম' ভাগ্,
ম' বাজারানি আনিবে।
মিদে আনি দিবে একপাবা,
জেততেল' এক বদল্।
গাভ্ দ্যা মাছ্ আধবাবা,
মাজ' মিজোলি সিদল্।
সেমাই - টেমাই ন' আনিস্,
বিনি চোলুন্ আগন্।
গাজত্ আগন্ ডাব্ নারিহুল,
এব' ন' পাগন্।
ইমিল্যে অলে বিঝু এব',
চিঝিত্যে নুও ছিলুম্।
আনি দিবে হামাক্কায়,
যা যা ছারা দিলুঙ্।
"ইত্তুগি মা ঘরত্ বিঝু বাজার,
নারিহুল অলাক্ তিন্নো।
ঘর বেড়ে বেড়ে সমাজ্যে বোলার,
আজের নিইয়া দিন্নো"।
----------------------------------------
17.03.2017
বুড়ো-বুড়িউনে হোই যিয়ন্, মাঞ্যেঁ ধান' গোলা বানি পাল্লেও তোনো গোলা বানি পারে নাহি! ন'লে আঝার-শাওন্ মাস্যা জুমো তোনপাত্ হুধি বিঢ়ী থো পাত্তঙ্ এদক্ষন্ তোনো রাদত্ ন' ভুগিদং। ইক্কে চৈত মাস্, ঝাড়ত্ এক্কান্ য়্যেল্ ফেঝাও নেই। আগুন্ বাঝে দিলে মাদিআনও পুড়ি যেব' পাহ্! বিঞ্যেঁ - বেল্যা সাজেরুক্ সাজে, ভাত্ থেলেও তোন্ নেই। সে পৌইদ্যানে ব্যতিক্রমী ছন্দে........
এ সময়ের ছড়া,
পজন্ তোনোত্ হি দিবং???
------------------------------------
চৈত্ মাস্যা তোনো রাত্,
জুমোত্ ন' মিলে তোনপাত্।
এক সাজ্ হেলে এক সাজ্ চিদে।
আমিজে ভুজির হবালদ্ আধ্!
ইজুরো মাধাদি হোগিয়া গাজ্,
গুলো ধরন্ বার' মাস্।
হদক্ হে পারে ঘুজি ঘুজি,
হিয়েত্তুন্ নিগিলে হোগিয়া বাচ্!
দাধাত্তুন্ এচ্যে উত্তে গঙ্,
হত্তে, গাচ্ছো গোজ্জে দ্যঙ্।
ভুজি হয়ধি, বিঝু এজের......
পাজন্ তোনোত্ হি দিবং???
*************************
16.03.2017
সময়ের ছড়া......
"মোন্ বগা"
---------------
ফাওনে - চোদে গল্ল' বান্।
ইজে - মাজে পেলাক্ থান্।
গজ্জা ভুইয়ত্ নাল্ আহত্যা।
মাজ্ উজাদন্ সুরঘাত্যা।
ভুজি যিয়ে তোন্ তোগা।
ভুইয়ত্ দেখকেগোই মোন্ বগা।
আড়ুং নলা, লাম্বা ঠুঠ।
মাজ্ গিলদন্ ঘুঙুঁত্ ঘুঙুঁত্।
-----------------------------------
12.03.2017
"বিঝু সাম্বাদ্"
-----------------
ফুলুনে দেধন্ সাম্বাদ্,
বিঝু এ্যবার হাজেয়্যে।
ফুদদন্ গাজে গাজে,
ইলেপাদারে হুজিয়ে।
ফুদদন্ নানান্ ফুল্,
নাগর মাত্তন্ পেক্কুনে।
বিঝু এজের জুগোল্ অধন্,
গাজ্-বাজ্ বেক্কুনে।
বিঝু ফুল্লো তেনা দেল্লি,
মাদি ফাদিনে।
গেল্লে বজর লাগে থুয়োন্নি,
দ্বি আট্যে-নাদিনে।
ফিরিলো ফাগুনো আহবা,
মাত্তল্ বুইয়ারান্।
ঝিমিদত্ নিল' উড়েই,
দোগোনত্তুন্ হবঙাঁন্।
---------------------------*-*---
১০.০৩.২০১৭ইং
সময়ের ছড়া.....
"বিজবিজিদি"
------------------
জুম্ ফাং গোল্লুঙগোই দোগিন্ ধাক্যা,
বেক্কান্ রোদচলা।
নাক্কোনো বুগোছাজ্ হি গত্ত',
সেত্তমান্ ছাজদলা।
এ বজর যুনি ন' পারং বাহনে,
ঘুচ্যে, সুধো, ধান্।
পাত্তুঙ্ নয় সালে হন' বজর,
গদা জিংহানিআন্।
গরম্ গরম্ ছেইয়্য মাধাত্,
ছিদিলে গমদালে।
হেনে ন' পারে বেগুন্-মুরিচ
বাহনে, চাং সালে।
পত্তি বজর বিজবিজিদি,
আধিক্ যত্তনে।
হুবোত্ থবে হবর ন' পাহচ্,
ন' হুলোয় ঘরানে।
অক্ত এলে নেগেলে দ্যোচ্,
উদি বোজোস্যা বিজি।
হেবার ছহলাত্ আহবিলাস্ হাস্,
হবাল্ মাধিত্ ঘুজি।
মুরিচ্ বিজি থবে, হাদি পেজত্,
বেগুন্ বিজি হবঙত্।
আর' থোচ্ছোই চ্যে ভুদিবানি,
চুমোপাব আ লুদুঙত্।
-----+-+-----_-----++----------
১৩.০২.২০১৭ইং
"ও সু'নানু"
-----------
ও সু'নানু,
হমলে ফুদিবাক্ তর দ্বি'বে চোঘ্,
দিন্, মাজ্, বজর, যুগ যার বিদি।
সহরল ওই আগচ, মাতবুল্ নেই!
হমলে এবে উধি???
বানাহ্ ঘুম্ যহর বেসত্ গুরি।
ইন্দি হিলহিলাদন্ হালাদেন্!
পিজে-মুজুঙেঁ, হোনাহুনি, ঘোনাঘুনি,
মানেয়র রুক ধুরি!!!
জেট্টা-জেদেঙাঁ, আট্ট্যা-বড়ঙাঁ,
মল্যা-মোলেন্, হুত্তো-হুরোঙাঁ।
তর চোদ্দোগুত্তি সিধেসিধি।
ন' থরন্ পাগত্, চাহগি না ধাগত্,
আমিজে মরনান্ চুমে দ্যং দ্যং নাগত্!
যেবার দ' হোরেলং বুরুজ্ উধি!
""আগর স্ববন্ নেইয়ার বুগোত্।
ন' ভাজে সুঘ্ দ্বি চোগোত্।
হুত্তুনো ভাজিবো???
যুনি ছ'বাই মুয়োত্ এ ন' পাল্লে আঝিবো"!!!
----------------------------------------------
02.03.2017
"চিত্ পুড়িবার হিচ্ছু নেই"
-------------------------------
হোবাল্ ন' পুড়োক্ ; তর হোচপানা!
ফেলেনেই বড় বড় এ্যরাহ্ দমা!
মাধা উজু সিলিং ফ্যান্,
এ্যয়ার কন্ডিশন রুম।
হরানত্ ঠাণ্ডা, জারাল্যা উম্ উম্!
ইদু এলে তর এক্ লেজা ন' অব' ঘুম্।
ও ভেই, ন' মুরিচ্ছি স্বর্গপুরী ছাড়িনেই!
হোচ্ পেবারও হি আঘে,
রেনি চেলে দেঘে।
উজু উজু মানেয়রে,
চিত্ পুড়িবার হিচ্ছু নেই!!!
মোনোমুঞ্জি ভাঙাঁ ঘর।
সুঘো দেঘা নেই জনমভর।
জিংহানিত্ ন' হান্ তারা আভিলেস্।
গালি ন' জানন্ লুচ্ছো।
যা ধগে তে, যা জাগাত্ তে,
আগন্ তারা পুড়িনেই!
হি অব' চিতপুড়ি।
থাক্ চুবেচাবে জুচগুরি।
হি দরকার?
উজু উজু মানেয়রে,
চিত্ পুড়িবার হিচ্ছু নেই!!!
যেই যেই হুইয়োন্ সংসারত্।
ভুঙীঁ পুজ্জোনদি আন্ধারত্।
অহদত্ বেক্কানি ইচ্ছন্ ফেলেই।
বিদ্যে-বুদ্ধি, লেঘা-পড়া।
পাগ্-চক্কর, ঘঙঁদা-হঙঁদা।
ইচ্ছনদে চুধো আধি,
বানাহ্ গোজেনর নাঙাঁন্ লোনেই।
ম'লে মত্তোক্ বাজিলে বাজতোক্।
হি অয়ে ; তর হোবাল্ ন' পুড়োক্!
চোখ্ হাদি থাক্.......
চিত্ পুড়িবার হিচ্ছু নেই।
ঘুচ্যে-সুধো যা কামাদন্।
অজেঅজ্ তার দাম্ ন' পাধন্।
মোন্-মুড়ো ভাঙীঁ,
দুঘে বুগি আনি
বেজিবার মাধানত্ থগা হাদন্।
সিয়ে-চেরআনা যা পাধন্,
তেল্-নুন্ কিনি, গঙাঁদন্ জিংহানি
দ্বি আধ্ সিধেন্ দি নিঃচিদে গুরিনেই।
হি অব' তারারে হোচপেইনে।
তর দোল্ ঘর গিরিত্তি থোইনে।
উজু উজু মানেয়রে,
চিত্ পুড়িবার হিচ্ছু নেই!!!
তুই বাজিনে যুনি জাত্ বাজে।
ন' থাদোক্ না জ্ঞেদি-গুত্তি আদে হাঝে।
তুই বাজিলে অয়।
হি দরকার তারার বাজিবার?
উদোদোক্ বুরুজ্। লুগোদোক্ চারঘার!
নেইদি আর কারবার।
গরজ্ ন' পড়োক্ মানবতা দেঘেনেই।
দরকার নেই, দরকার নেই।
সুঘোর গিরিত্তি ছারিনেই।
উজু উজু মানেয়রে,
চিত্ পুড়িবার হিচ্ছু নেই!!!
--------------------------------------
09.03.2017
সময়ের ছড়া.....
"বিঝু বেড়ান্"
--_-------------
এচ্যে ভুজি ভজান্ হুজি,
বিঝু বেড়ান্ হাজেয়্যে।
বিনি পিধেয়, সান্নে পিধেয়,
জুর জুর গুরি সাজেয়্যে।
বিঝু বেড়ানত্ পিধে মজা,
দিবাক্কোই ভাগগুরি।
তুলী থুয়েগোই উত্তোমাজাত্,
পোগোন্ পিলে আকগুরি।
দাধাহ্ নিদ' চায় বায়াঁল' পিধে,
ভুজি হ'দি থোকনাহ্।
দাধাহ্ হ'দি হদক্ যেবাক্???
আঝার টেঙাঁ যোকনাহ্!!!
বায়াঁল' পিধে, বায়াঁল' ফেজন্,
পুদি পুদি সপ্পানি।
আজু হ'দি, সেনে যাল্লোইও উধি,
দয়্যাঁ, মেইয়্যাঁ...বেক্কানি!!!
------------------------------_----_----
26.02.2017
