মোনোঘর

"মোনোঘর"
---------

ভোরোন্দি আদামত্তুন্ মোনোঘর,
এত্তে-যাদে এক্ দিবর।
ব'লান্ বাজী থায় পত্থানত্,
মনান্ বাজী থায় জুমানত্।
.
চৈদে-বৈজাগে ধান্ হুজা,
লেবাংদি উত্তোন্ ধান্ গোজা।
দোগিন্ দোরি মোনোঘর,
এলায় বাজে জুনোপহর্।
.
আদামত্ ন'যেই জুমোত্ থেম্,
চিত্ ন' ভুজিলে শিঙেঁ বেম্।
শিঙেঁ র'বো উদিস্ লোচ্,
এক্ ছাবত্ ম' জাগান্ নিজী থোচ্।
----------------------++++--
১৩/০৬/২০১৬

উন্দুরোহান্ উল্

ছড়া
             "উন্দুরোহান্ উল্"
            ============

ও ভুজি, ছিনি ল' ফুজিঁ,
        গুলোদক্ সাবারাং।
আবাদাগুরি চোয়োত্ অব',
      উন্দুরোহান্ উল্ হেবাং।
.
মিজেলে-হজালে, সাবারাং দি,
        দিবে সুজমুরিজ্।
চাম্বাত্ বাঝে সং মিদিঙেঁ চুমোত্,
      তলেদি আগুন্ দিস্।
.
চনাহ্ চনাহ্ বাচ্ নিঘিলে,
      বাড়িবে চানানত্।
এক্ গরাজ্ হেলে থাহর পেবে,
      হি উদে মনানত্।।।
==================
১১/০৬/২০১৬

"হাজলঙ' পাড়ে পাড়ে....

হাজলঙ' পাড়ে পাড়ে...
-----------------

"লোগাং ছড়া হুলে হুলে হন্ গাবুরি এজেত্তে,
হরত্ তার ইক্কো হুম্ এক্কা এক্কা আঝেত্তে...
........ এক্কা এক্কা আঝেত্তে......""""
.
লোগাং, সেঙেঁ, মিয়োনী, হাজলঙ' পাড়ে পাড়ে,
নেই দ', গাবুরি ইক্কে আর বেড়েও ন' পারে।
হন্ হু হেনত্ হুত্তুন্ দ্বিঠেঙ্যাঁ বাঘ্ উড়ি এই,
হিলহিলেলাক্ আদাম্ দিঘোলি,
বোজোত্তি দিলাক্ ন' মাধি ন' বুলি।
হধে চাং.......
আঝিবো নেনাহ্ হানিবো?
হেনে থেব' গাবুরি!
আমিজে পধে-ঘাদে, ঝাড়ে-জঙলে,
দ্বিঠেঙ্যাঁ বাঘকুনে থান্ আহগুরি।
.
যে জাগানিত্, যে গাঙাঁনিত্,
সুখ্ বানী মনানিত্,
উচ্ছোফুচ্ছোই বেড়িয়ে জুনো পহরে পহরে।
ধেই যিয়ে বেক্ সুখ্,
ইক্কে তার ঘরত্ও ন' বানে বুক্,
ঝাক্ বুদি থেলেও সমারে।
.
আদাম্ থিয়া জুরেয়ন্,
হুনহুনোনি ফুরেয়ন্।
সেনে ফুরেয়ন্ গাবুরির দোল্ আঝি,
ফিরেপাগে রিনি চ',
রিনি চেলে দেঘিবা,
শুঘেযিয়া চোঘোপানি, গাবুরির গালচাবাত্
হেনে হিঙোঁরি আঘে বাজী।
.
এবার বোদোলি যোক্ গান্,
গাবুরির দুঘো আঝি সমারে,
এজ' গেই বেক্কুনে,
নুওগীত্ নুওগুরি সংজয়ারে।
.
"লোগাং ছড়া হুলে হুলে হন্ গাবুরি এজেত্তে,
আধত্ তার ইক্কো....এবার ইজু মাধেত্তে...
......এবার ইজু মাধেত্তে.... "
----------------------------------
১০/০৬/২০১৬
বিঃদ্রঃ- "লোগাং ছড়া... " গান্নোর রজিয়ে, সুর দিয়েবো ইদু আধজুর গুরিনে"

হোচপানার তিরাজ্

♥হোচপানার তিরাজ্ ♥
**********************

মনর আগাজত্ ন' দেলে হালামেঘ্,
ন' দেলে দ্বি চোঘোত্ বারিজে।
মনর অপার দজ্যা শুগেই গেল্,
হোচপানার হরানে আঙিঁযার বুক্ আহমিজে।
.
যুনি দেদে উড়ি এদে,
হোচপানার ঝড়ফুদো ওইনে ঝুড়িদে।
সাজিনালত্ বোইনে জুড়েদুঙ্ কিয়া,
মন্ হুজির বার্গীঝাক্কুন্ দেঘিদে।
.
ইক্কে দ' তারায় ন' ভঙন্, ন' উড়োন্,
ঝাকঁবুদি আগাজে আগাজে।
দিদেগি ছড়ান্, ছাড়িদাক্ ঘরান্,
উড়িদাক্ আগাজত্ হুজিয়ে...
পিত্থীমি বুগোত্ হুচ্ ন' বোজে।
.
সাজোঞ্যাঁ মাধান্ হালোচ্যা ওই যার,
বিজোল্ অক্তয়ান্ যার বিজিদি।
তুই নেই, নেই হোচপানা,
হোচপানার তিরাজে এ মনান্ যার হোজোদি।
.
হোচপানার তিরাজে ফাদিযার বুক্,
থিদোনেই মন্-পরান্।
হুজিওম্ যুনি তুই হোচপানার গঙাঁরে,
বড় ব' ঝড়ে ভাজেই নেজাস্
মর এই মন্ ঘরান্!!!
*********************
০৩/০৫/২০১৬
বিঃ দ্রঃ- ফটো নেট থেকে নেয়া, তারপরও মূল মালিকের নিকট দায় স্বীকার করছি।

ফুজিঁ (ছড়া)

"ফুজিঁ"

-----

আমিলে ছিনিলুঙ্ এক গজর,

বাচ্ছুরি পেলুঙ্ এক ছাজর।

ফুজিঁ মিজেলে বাচ্ছুরি,

তুমবাচ্ তুমবাচ্ বাচগুরি।

এ দুখ্, এ লাড়ে কাল্যায়

লেঘা-পড়া শিঘে ভিলি,
আজু-নানু, জ্ঞেদি-গুত্তি,
জাদর শিঙোঁর-পাঙোঁর..

ও মর নুদিবানী

ষোলো বেইয়া ফুলর হাদি বুনি,
সজমজ্ গুরি বুগোত্ বানী,
আঝং আঝং মূ নুদিবানী।

সংপোহর কোচপানা

‘তরে কোচপাং’ বানাহ্ এ কধান্।
ন’ ভাবীচ্, বানাহ্ এ মাধান্।

ভেজে দেনা (স্পাইগিরি)

কন্ যুগোত্ কন্ দাগীয়ে;
কা ঝি বো আনি,

বিঝু তুই এবে ভিলিনে

গাজে গাজে নানান্ ফুল্;
নানান্ পেগোগীত্।
দগিনো আহবা ছড়ান্ পিয়ে;

হিলোভিদিরে

দাঙ্দাঙ্যা চিদতান্ জুরেম্ ভিলি,
তিরোচ্যা মনত্ পাল্ তুলি………..

লুচ্ছো

কি কাম্ গরঙর,
মনে মনে ভাবঙর।
সুঘে-দুঘে যা গঙাঙর দিন্,

মূল্ বিঝু

বোনোই আধত্ পিধে মজা;
বেবে আধত্ সাগর পঝা।
নুও ছিলুম্ দিবাক্ আনি;
ম’ মনত্ ভজান্ আঝা।

নাং নেই কবিতা

ছ’কুড়ি ঘরত্,
সাতকুড়ি নেতা।
কার’ কধা নয় লাদাপাদা।
যেন্, পাজন্ তোনোত্–

হোচপাঙ্ ভিলিনে

পেদেবে ন’ পেদেবে সে তোক্কিত্ ন’ লোলুঙ্।
পেদেলে পেদে পারচ্।
যুদি ন’ পেদাচ্—

এক্ রিনি

দ্বি চোখ্ যিদ্দুর যায়,
হি দুরোত্ হি কায় (কাছে),

স্ববনে

ভালক্ দিন্ তরে ন’ জবং মনত্।
আদেক্যা গুরি দেলুঙ্ স্ববনত্।
যেন্ স্ববনও নয়,

গাবুর’ জীংকানি

আঙুল’ মাধায় মাধায় দ্বিবা খেলুঙ্,
আধত্তান্ পুনত্ পুঝি পুঝি লামিলুঙ্।
কী সুখ্ মর গাবুর’ জীংকানি।

জাগি উধো

জাগি উধো মা-বোন্ লক্,
হিয়া মুজুরি।
লামি এজ’ রাজ পহধত্,
লাজ্-দর্ ছুমুরি।

তুই গেলে যা

মরে ন’ ডাগিছ্।
তুই গেলে যা,
ঐবো চা, কোচ্ পেব’ পা,
ঝাড়’ মায় ধুব্ ধুব্….

কোচপানার গঙাঁরে

হরানর এ দিনোত্;
তর কোচপানার এক্ লেজা ঝড়ত্..
ভিজিম্ ভিলি,
এক্ পাত্তি তইলা পিনি,
এগামনে নাঙঁ ঘিনি,
মনর আগাশ্চান্ রাগেয়ঙ্ খুলি।

ঝড়পুদো অইনে পুড়িবে এ বুগোত্,
পরছাল্য ফুল্ অইনে ফুদিবে দ্বি চোগোত্।
কোচপানার জুড়ি অইনে ঝুড়িবে,
তাগলক্ পাদি সে কোচপানার নালত্,
ভিজি যেম্, চিদ্ জুরেম্!
বাচ্ছে আগঙ্ আকুলোত্!

দাঙঁদাঙ্যাঁ রোদোত্, হরানে!!!
ফাদি গেল্ মনর নীরোচ্ ভুইয়ানি।
আঙিঁযার বিলপাদার!!!
দাঙাঁ যার মোন্-মুড়ো!!!
শুঘে গেল্ সাত্ দজ্যা, আ
ন’ শুঘেইয়া উইফুত্, চোগোপানি!!!

তিরাজে কানিযার মনর তারুমোত্…
ছামলক্ কিয়ঙ্ কিয়ঙ্ গুরি!
অবাহ্ অবাহ্, কবাহ্ কবাহ্ শারাল্যায়,
মনর আগাজত্ ভঙের,
শিক্ শিক্ শিইক্ র’ ছাড়ি!!!

বানাহ্ হরান্! চোখ্ মিরমিরান্!!!
কমলে জুরে দিবেগি মন্ পরান্।
খুজী ওম্ যুনি…….
তর কোচপানার গঙারে,
বড় ব’ ঝড়ে!
ভাজেই নেজাস্ মর এ,
ভাঙাঁচোরা মন্ ঘরান্!!!!

আমা আদামত্

তুই কি যেবে ভেই, আমা আদামত্?
গেলে দেগিবে—
আদামর্ বেক্ মিলেদলা,
আঝি রঙেঁ খোলা মেলা।
ননন্-ভোজ্, শুড়ি-বো’ই,

"আহরে যের্ নিজর্ ভাচছানি”

হুদু গেলাক্ গেঙখুলি,
উবাগীত্ আর্ হেঙগ্রং।
হুদু গেলাক্ শিঙাঁ বানা,
পুরোনা রঙ্-ধঙ্।

এজ’ বেগে এজ’

আহধে আহধ্ মিলেনেই,
ভেদাভেদ্ ভুলিনেই,
সংগুরি চলিনেই,

তর্ মর্ বানাহ্ দ্বিজনর্

এক্ টেপ্ এক্ টেপ্ গুরি তেবে তেবে,
তল্লেই ভিলি তেবেলুঙ্ বেবে।
মর্ নেইয়া, নোনিয়া হোচপানা;
সাতরঙ্ স্ববন্! আ---

ছুলোনি-পরানি

কুদু গেলাক্ গেংখুলি;
গীত্ গেদাক্ মনখুলি।

ন' তাঙ'রনা

ভালকদিন ধুরি,
আধ্ ন' পরের জুমানত।
নানাঘান কামে পুরি,
জাগুলুক মনানত্।